منتديات تل الإسلام العظيم
أهلاً وسهلاً بكم في منتديات تل الإسلام العظيم


أهلاً وسهلاً بكم في منتديات تل الإسلام العظيم
 
البوابةالرئيسيةالتسجيلبحـثقائمة الاعضاءالمجموعاتدخول

شاطر | 
 

 الفرق بين كمبيوتر البنت وكمبيوتر الولد

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
gareeb altel
Admin


عدد المساهمات : 642
تاريخ التسجيل : 09/07/2011

مُساهمةموضوع: الفرق بين كمبيوتر البنت وكمبيوتر الولد   الإثنين سبتمبر 19, 2011 5:51 am


اولا جهاز البنت ليدوز فروست
ملف مرفق 509



من النظرة الاولى من بعيد للشكل العام للجهاز
تلاقى الجهاز نضيف ومرتب وحواليه دباديب او عرايس او لعبها وتلاقيها لازقة عليه صور فراشات او صور رقيقة وقلوب وحاجات كلها دلع ورقه وتلاقى كرسيها نضيف وسليم وشكلة حلو ومحطوط بشكل صحيح قدام المكتب
تفتح الجهاز تلاقى صوت نغمة رقيقة مع فتح الجهاز وحاطة خلفية صورة رقية شخصية ليها او صورة بنت جميلة او وردة


تقلب فى الملفات تلاقى اسماء الملفات عندها جميلة زى


صور اطفال
صور فساتين
صور موضة
افلام رومانسية
اغانى عاطفية



تفتح الهيستورى بتاع الجهاز تلاقيها كانت مشغلة حاجات زى

فيلم تيتانيك
مواقع نكت
مواقع موضة
منتدى منيا توداى
اغنية تملى معاك
اغنية بهواك
مواقف كوميدية




تفتح الميل بتاعها تلاقيها حاطة نك نيم رقيق زى

بنوتة شقية
دلع
حبوبة
حب عمرى



لو دققت شويه فى تاريخ تسطيب الويندوز ممكن تلاقى الويندوز شغالة معاها من حوالى 7 او 8 شهور متغيرتش
تيجى تشم ريحه الجهاز تلاقى ريحتة برفان جميل
ولما تيجى البنت تقفل جهازها تلاقيها قفلت الحاجات الى مشغلاها حاجة حاجة وبعدين تدوس شت دوان وتسمع نغمة رقيقة
والجهاز بيقفل




-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-



نخش على اجهزة الشباب بدون زعل
ملف مرفق 510

ملف مرفق 511


من النظرة الاولى للجهاز ووضعه من بعيد تحس انك داخل على حاجة شبة التوكتوك الى عامل حادثة ومطلعينه من بركة مجاري
تلاقى الغطاء مفتح من كل ناحية وفيها خروم غريبة ولو بصيت جواها تلاقى فيها حاجات ومواد غريبة غالبا ممكن تكون مشتعلة وملهاش اى علاقة بالجهاز
وتلاقى الهارد متعلق زى الدبيحه من السلك بتاعه ومتعرفش لية
وتلاقى كمية وصلات عجيبة داخلة وخارجة من الجهاز ومش بعيد تلاقى متوصل معاهم خرطوم مية
وتلاقى باب السى دى مفتوح من غير اى داعى بالرغم من انك تحاول تقفلة هتلاقيه بيتفتح تانى لوحده
الشاشة ممكن متلاقيش قعدتها اصلا
وممكن متلاقيش غطاء الشاشة الخلفى برضو كنوع من انواع التهوية
ولسعات سجاير وطفاية فى كل حته من الجهاز
وتلاقى الكى بورد سلكها ملحم فى بعضه وزرار الانتر وبعض الازرار المهمة غالبا مش هتلاقيها
وبالنسبة للكرسى ده لو لقيت كرسى او حاجة شبه الكرسى هتلاقيه مليان بقع شاى وسجاير وغالبا هتلاقيه واقف على 3 رجول بس
تيجى تفتح الجهاز وتدوس على زورار الباور ده لو لقيتة وملقتش سلكتين تلمسهم فى بعض عشان الجهاز يشتغل زى عربيات ميكروباص الترامكو
يجى الجهاز يشتغل تسمع صوت كركرة غريب واصوات تانية شبيهه بالطرقعة المكتومة
تعدى كل ده وتبتدى الويندوز تفتح تسمع صوت نغمة الويندوز نغمة غريبة الجماعة بتوع ميكرو سوفت لو سمعوها هيبطلو ينزلو نسخ للشرق الاوسط تانى
تفتح الويندوز تلاقيه حاطط خلفية ثعبان او جمجمة مرعبة او صورة غريبة ليه هو واصحابة تفكرك بالمخلوقات الفضائية
الى جاية من عالم غريب



تدخل تقلب فى الملفات تلاقى اسماء الملفات غريبة وعجيبة

حشحش
دحدح
بتنجانة
صور معيييز
صور حوادث
مصارعة


و 70% من الملفات هتلاقيها تحت سلسلة اسماء

New Folde11
New Folde12
New Folde13
New Folde14
الى ما لا نهاية




تفتح الهيستورى بتاعه تلاقى اخر حاجات شغلها زى

ساو 3
ديد سيلنت
اغنية البلح البلح
صور مصارعين
كليب بوس الواوا
اسماء مواقع تخاف اصلا تخشها
نكت حشاشين



تفتح الميل بتاعه تلاقيه حاطط نك نيم يرعب البنات

الشيطان 10
البجح
سفاح المعييز
المحشش
كمبورة
عاشق الموت



لو دققت فى تاريخ تسطيب الويندوز ممكن تلاقيه مسطبها قبل متيجى بساعتين

طبعا ريحه الجهاز هتلاقيها شبة موتور العربية المحروق
ولما يجى يطفى الجهاز لو فاتح ايه مش بيقفله واحده واحده لا شد الكابل على طول من غير تفاهم اكنه بيعذب كافر
لانه طبعا ميعرفش حاجة اسمها امر شود داون


كمان لو فى فلاشه يا لهوى
فلاشه البنت نضيفه ورحتها حلو وبالغطا بتعها وفى علبتها
ملف مرفق 512


اما فلاشه الشباب


طالع عينها ومخيفه وكلها رعب في رعب عليها ومفرومه
الرجوع الى أعلى الصفحة اذهب الى الأسفل
http://tel-islam.akbarmontada.com
 
الفرق بين كمبيوتر البنت وكمبيوتر الولد
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات تل الإسلام العظيم :: منتدى الطرائف والألغاز-
انتقل الى: